Сад

Аўтар:

Па матывах п’ес А.П.Чэхава, А.Шыпенка

Музыка:

The Beatles –  Octopus’s Garden
Radiohead – Street Spirit (Fade Out)
ASIWYFA – Set Guitars to Kill

Апісанне:

Праца тэатра над драматургіяй Аляксея Шыпенка працягнулася ў эксперэментальнай форме ў пачатку 2011 года. У рэжысёра Наталлі Рачкоўскай даўно паспявала ідэя стварыць зборку з маналогаў герояў драматурга, але яны патрабавалі сцэнічнай сітуацыі, прамаляванай у п’есах. Сітуацыі была патрэбна прычына, і яна ўстанавіла сувязь з А.П. Чэхавым. Дакладней, з яго п’есай “Чайка” і галоўным героем – Канстанцінам Трэплевым. Так, паступова маналогі перараслі ва ўрыўкі (з п’ес А.П. Чэхава “Чайка”, А. Шыпенка “Смерць Ван Халена”, “Сад васьміногаў”, “Назіральнік”), а ўрыўкі – у цэласны і незвычайны спектакль.

Вядомы амерыканскі рок-музыка Эдвард Ван Хален, Андрэй Філонаў і Канстанцін Трэплеў сталі ў адным сэнсавым шэрагу. Галоўныя героі – людзі, якія існуюць у іншай ментальнай прасторы, па іншых законах. Што ж іх аб’ядноўвае? Што ў іх агульнага?..

Спачатку спектакль вельмі доўгі час не меў назвы. Тады сам драматург прапанаваў, седзячы у садзе свайго дома ў Індыі, вельмі просты варыянт. “А навазіце “сад”. І 8 лютага 2013 года адбылася афіцыйная прэм’ера спектакля “Сад”, які і дагэтуль іграецца ў нашым тэатры.